დღეს, 8 მაისს, აღმოსავლეთ საქართველოს მდინარეებში წყლის დონე საშიშ ნიშნულს მიაღწევს. როგორც "ჯი-ეიჩ-ენს" გარემოს ეროვნული სააგენტოს მონიტორინგისა და პროგნოზირების ცენტრში განუცხადეს, ამის მიზეზი მოსალოდნელი ძლიერი წვიმებია. მათი ინფორმაციით, მდინარეებში წყლის დონის მატების მიუხედავად განსაკუთრებული შემთხვევები მოსალოდნელი არ არის.
სინოპტიკოსების ინფორმაციით, აღმოსავლეთ საქართველოს უმეტეს რაიონებში წვიმის სახით ნალექი 8 მაისს გაძლიერდება და 9 მაისს შედარებით შესუსტდება.