რუსეთის პრემიერ მინისტრი ვლადიმერ პუტინი აცხადებს, რომ რუსეთის ფედერაცია მზადაა, უკრაინის ყოფილი პრემიერი იულია ტიმოშენკო სამკურნალოდ რუსეთში მიიღოს, თუკი ამაზე უკრაინის ხელისუფლების თანხმობა იქნება.
"თუ იულია ვლადიმეროვნა ამას შესაძლებლად მიიჩნევს და თუკი უკრაინის ხელისუფლება, ჩვენი უკრაინელი პარტნიორები ამას დასთანხმდებიან, სიამოვნებით მივიღებდით იულია ტიმოშენკოს ჩვენთან, რუსეთში სამკურნალოდ, ნესმისმიერ მისთვის და უკრაინის ხელისუფლებისთვის მოსახერხებელ დროს, ნებისმიერ სამკურნალი დაწესებულებაში", _ განაცხადა პუტინმა. ინფორმაციას ამის შესახებ რუსული მედია ავრცელებს.
პუტინმა ისიც განაცხადა, რომ არ უნდა მოხდეს სპორტისა და პოლიტიკის ერთმანეთში არევა.
"არავითარ შემთხვევაში არ შეიძლება პოლიტიკა, ბიზნესი და სხვა საკითხები სპორტთან არიო. სპორტს თავი უნდა დავანებოთ. მე ვემხრობი პრინციპს, რომელსაც მხარს უჭერს ოლიმპიური კომიტეტი: სპორტი პოლიტიკის გარეშე", _ განაცხადა პუტინმა.
