ფრაქცია ,,ქრისტიან-დემოკრატები,, დღეს ხათუნა კალმახელიძისა და კობა სუბელიანის პასუხისმგებლობის საკითხის დაყენებას გემავენ.
როგორც ფრაქციის თავმჯდომარემ გიორგი ახვლედიანმა პარლამენტში ომბუდსმენის მოსმენის დაწყებამდე, ჟურმალისტებთან განაცხადა, სახალხო დამცველის ანგარიშში მოტანილი ფაქტების მხოლოდ ცნობად მიღება არ უნდა ხდებოდეს.
"2010 წლის ანგარიშის მოსმენისას ორი მინისტრის გადადგომის საკითხი დავაყენეთ და საპარლამენტო უმრავლესობა მათ გადაეფარა. დღევანდელი ანგარიში პრაქტიკულად იმეორებს იმ დანაშაულებს, რაც მაშინ ხდებოდა. სამწუხაროდ, არაფერი არ გაუმჯობესდა. ამიტომ, ორი მინისტრის - ხათუნა კალმახელიძისა და კობა სუბელიანის პასუხისმგებლობის საკითხს დავაყენებთ,, - განაცხადა ახვლედიანმა და დასძინა, რომ ამ ადამიანებს რეალობის გაუმჯობესება არ შეუძლიათ.
პარლამენტი პლენარული სხდომის ფორმატში, სახალხო დამცველის 2011 წლის ანგარიშს ისმენს. გავრცელებული ინფორმაციით, მმართველი გუნდი
საქართველოს სახალხო დამცველის საანგარიშს მხოლოდ ცნობად მიიღებს და საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტს დაავალებს განახორციელოს მონიტორინგი ომბუდსმენის მოხსენებაში მითითებული ფაქტების პრევენციისა და რეკომენდაციების შესრულებისკენ მიმართული ღონისძიებების გატარებაზე.
