აშშ-ის პრეზიდენტის წარმომადგენელი ჯარედ კუშნერი მიიჩნევს, რომ კარგი იქნებოდა, უკრაინის პრეზიდენტ ვოლოდიმირ ზელენსკისა და კრემლის ლიდერ ვლადიმირ პუტინს პირისპირ შეხვედრა გაემართათ.
ამის შესახებ კუშნერმა აბუ-დაბიში უკრაინას, აშშ-სა და რუსეთს შორის სამმხრივი მოლაპარაკებების დასრულების შემდეგ, ჟურნალისტებთან საუბრისას განაცხადა.
ამასთან, მისი თქმით, რუსულმა მხარემ განაცხადა, რომ ზელენსკისა და პუტინის შეხვედრამდე მოლაპარაკებებში უფრო მეტ პროგრესს ელოდება.
„ვფიქრობ, შესანიშნავი იქნებოდა, თუ ისინი ნებისმიერ დროს შეხვდებიან ერთმანეთს. ჩემი აზრით, ეს კარგი იქნებოდა. თუმცა, როგორც მე მესმის, რუსებმა განაცხადეს, რომ ამ შეხვედრამდე უფრო მეტი პროგრესის მიღწევა სურთ. აშკარაა, რომ ლიდერებს შორის დიდი ნდობა ან სიმპათია არ არსებობს... იმასაც ვიტყვი, რომ ასეთ შეთანხმებებს დრო სჭირდება“, - აღნიშნა კუშნერმა.
აბუ-დაბიში მოლაპარაკებების მეორე დღის შედეგების მიხედვით, ცნობილი გახდა, რომ კუშნერი და სტივ უიტკოფი მოსკოვში გაემგზავრებიან, სადაც ვლადიმორ პუტინს შეხვდებიან. ამის შემდეგ კი დუბლინში ვოლოდიმირ ზელენსკისთან შეხვედრა იგეგმება.
მანამდე გავრცელდა ინფორმაცია, რომ მოლაპარაკებების პირველი რაუნდის დროს მხარეებმა უსაფრთხოების გარანტიები, რუსეთის მოთხოვნები და ომისშემდგომი პერიოდის საკითხები განიხილეს.
