იანვრის ბოლომდე ქობულეთში პლასტმასის საწარმო "მირ ხიმიკალი'' ამოქმედდება, სადაც პირველი ეტაპისთვის პლასმასის 200-ლიტრიანი კასრების გამოშვება დაიწყება.
200-ლიტრიანი კასრების საბაზრო ღირებულება 35 ლარიდან 60 ლარამდეა. საწარმოს პროდუქციის მიწოდებაზე რამდენიმე ღვინის მწარმოებელი კომპანიისაგან დაკვეთა უკვე აქვს. საწარმოო ხაზი მენეჯმენტმა თურქეთიდან შემოიტანა და მის მონტაჟს უახლოლეს ხანებში დაასრულებს.
ახალი საწარმო სამომავლოდ საოჯახო ნივთების წარმოებასაც გეგმავს. "მირ ხიმიკალმა'' საწარმოს მშენებლობისთვის 0,5 მილიონი დოლარის ინვესტიცია განახორციელა. წარმოების გაზრდისთვის და საჭირო დანადგარების შესაძენად კომპანია ფინანსების მოძიებას კომერციული ბანკებიდან შეეცდება.
