დღეს, 8 აპრილს, ა. გრიბოედოვის სახელობის რუსულ სახელმწიფო დრამატულ თეატრში თბილისის ზ. ფალიაშვილის სახელობის ოპერისა და ბალეტის სახელმწიფო თეატრის საბალეტო დასი 160-ე სეზონის მორიგ სპექტაკლებს წარმოადგენს.
პ. ჩაიკოვსკის "გედების ტბაში" ოდეტა-ოდილიას პარტიაში მაყურებელი ლალი კანდელაკს იხილავს, ხოლო პრინც ზიგფრიდის პარტიას თეატრის სოლისტი ოთარ ხელაშვილი შეასრულებს.
7 აპრილს ოდეტა-ოდილიას პარტია პრიმაბალერინა ნინო ანანიაშვილმა იცეკვა. მას პარტნიორობას თეატრის წამყვანი სოლისტი ვასილ ახმეტელი უწევდა.
