ლეგენდარულმა ბრაზილიელმა ფეხბურთელმა, რონალდომ, ჩემპიონთა ლიგის წლევანდელი სეზონის შესახებ თავისი მოსაზრება გამოთქვა. მისი განცხადებით, ტურნირს "რეალი" ან "ბარსელონა" მოიგებს.
"ესპანეთში მწვავე ეკონომიკური კრიზისია. მიუხედავად ამისა, "რეალი" და "ბარსელონა" ამას თავისუფლად უმკლავდებიან. ისინი როგორც ესპანეთში, ისე ევროპაში, გუნდებზე ერთი თავით მაღლა დგანან. ჩემპიონთა ლიგის მოგების ყველაზე დიდი შანსი ამ ორ გუნდს აქვს, მიუხედავად იმისა, რომ "ბაიერნიც" და "ჩელსიც" ძალიან ძლიერი გუნდები არიან.
შეგახსენებთ, რომ რონალდო ორივე ესპანურ გუნდში თამაშობდა. "ბარსელონაში" მან 51 თამაშში 47 გოლი გაიტანა, ხოლო მადრიდის "რეალში" ასპარეზობისას - 194 მატჩში 118 გოლი.
