წნორში, გაუქმებული საბაგიროს შენობიდან ფოტოს გადაღების დროს 21 წლის ბიჭი ჩამოვარდა და მძიმედ დაშავდა. დაშავებული წნორის საავადმყოფოდან კატასტროფის მედიცინის ცენტრის ბრიგადამ თბილისში გადაიყვანა.
„პაციენტი საავადმყოფოში თავის ტრავმითა და მოტეხილობებით შემოიყვანეს. მას პირველადი სამედიცინო დახმარება აღმოვუჩინეთ, თუმცა ჯანმრთელობის მძიმე მდგომარეობის გამო კატასტროფის მედიცინის ცენტრის ბრიგადის გამოძახება გახდა საჭირო. პაციენტი თბილისში გადაიყვანეს", - განუცხადა კახეთის საინფორმაციო ცენტრს წნორის საავადმყოფოს დირექტორმა ნუკრი ყარალაშვილმა.
