რაგბში 2012-16 წლებში ჩასატარებელი ჩემპიონტის საბაზო და საპრიზო ადგილებისთვის 1,500,000 ლარი გამოიყოფა. აღნიშნული თანხები „საქართველოში რაგბის განვითარების ფინანსური მხარდაჭერის სახელმწიფო პროგრამის დამტკიცების შესახებ" საქართველოს მთავრობის დადგენილების დანართშია გაწერილი.
დადგენილების თანახმად, 2012-2016 წლების ჩემპიონატის შედეგების მიხედვით უმაღლეს ლიგაში გუნდის პირველ ადგილზე გასვლის შემთხვევაში მათ 100 ათას ლარი გადაეცემა, ხოლო საპრიზო ფონდი 98 ათასი ლარით არის განსაზღვრული, მეორე ადგილიზე საბაზისო თანხა კვალავ 100 ათასი ლარია, ხოლო საპრიზო - 89 ათასია ლარია.
ამასთან, საბაზისო თანხის ოდენობა - 100 ათასი ლარი გუნდს პირველიდან მეათე ადგილის ჩათვლით გადაეცემა, ხოლო საპრზო თანხები ხმოლოდ მერვე ადგილის ჩათვლით გაიცემა.
კერძოდ კი, საპრიზო ფონდი მესამე ადგილზე გასვლის დროს 80 ათასი ლარით, მეოთხე ადგილი - 75 ათასი ლარით, მეხუთე - 56 ათასით, მეექვსე - 45 ათასით, მეშვიდე - 32 ათასით და მერვე - 25 ათასი ლარით განისაზღვრა.
ამასთან, საბაზისო ფონდის ოდენობამ ხუთი წლის განმავლობაში სულ მილიონი ლარი და საპრიზო ფონდის - 500 ათასი ლარი შეადგინა.
აღსანიშნავია, რომ რაგბის განვითარებისთვის სახელმწიფომ ხუთი წლის, 2012-2016 წლებში სულ 20,500,00 ლარს გამოყოფს.
