ჟენევაში მიმდინარე საერთაშორისო მოლაპარაკებების მე-17 რაუნდზე ოს და აფხაზ სეპარატისტთა დელეგაციებმა მეორე სამუშაო ჯგუფის მუშაობაში მონაწილეობის მიღებაზე უარი განაცხადეს. მეორე სამუშაო ჯგუფი ჰუმანიტარულ და დევნილების საკითხებთან დაკავშირებულ პრობლემებს განიხილავს. ინფორმაციას ამის შესახებ ე.წ. სამხრეთ ოსეთის ბეჭდვისა და ინფორმაციის კომიტეტი ავრცელებს.
ჟენევაში მყოფი ოს სეპარატისტთა ლიდერის ე.წ. რწმუნებული პოსტკონფლიქტური დარეგულირების საკითხებში ბორის ჩოჩიევი აცხადებს, რომ ოსური და აფხაზური დელეგაციები თანათავმჯდომარეებს შეხვდნენ და განაცხადეს, რომ დევნების პრობლემების გადაჭრაში გაეროს დევნილთა საქმეების უმაღლსი კომისარიატისა და ქართული მხარის მიერ გამოჩენილი უმოქმედობა გახდა ოსური და აფხაზური დელეგაციების მიერ ამგვარი გადაწყვეტილების მიღების საფუძველი.
"დევნილების საკითხების გადაუწყვეტელობის გამო მთელი პასუხისმგებლობა ქართულ მხარეს ეკისრება, რომელსაც თავისი "საჩივრები" გაეროს გენერალურ ასამბლეაში შეჰქონდა. მეორე დამნაშავე მხარე კი გაეროს ლტლვილთა საქმეების უმაღლესი კომისარიატია, რომელმაც შექმნილ მდგომარეობაში დუმილი არჩია და ამით ქართულ მხარეს შეუწყო ხელი", _ აცხადებს ჩოჩიევი.
