როგორც სააგენტო "ჯი-ეიჩ-ენს" კახეთის სამხარეო ადმiნისტრაციიდან აცნობეს, ფესტივალის ფარგლებში დაგეგმილია ფრანგული სიმღერების კონცერტების ტურნე, რომელსაც ჯგუფი "ველური წინდები" წარმოადგენს. ტურნე ფრანგული პოპმუსიკის რეპერტუარს დაეთმობა. ხუთი ფრანგი მომრერალი შეასრულებს 60-70-იანი წლების ფრანგულ სიმრერებს, რომლებსაც პატრისია კაასი, ჯონი ალიდეი, კლოდ ფრანსუა, ჯო დასენი, მიშელ პოლინარეფი ასრულებდნენ.

ფესტივალზე წარმოდგენილი იქნება ფრანგული სპექტაკლები - "100 კილო და მისი სპილოები," ჯაზტრიო აკორდიონისტ ჯაკი ლინონის მონაწილეობით, ილუზიონისტ სებასტიენ ლადრუზის წარმოდგენა, ფრანგული სიმღერები სილვერ ლუკიანოსა და მისი ტრიოს შესრულებით.

ფრანკოფონიის განვითარების ღონისიებები კახეთის რეგიონის 10 სკოლის ფრანგული თატრის ფესტივალში ჩართვას ითვალისწინებს. სკოლებს შორის კონკურსი გაიმართება. გამარჯვებული გუნდი საკუთარ და მეორე ადგილზე გასული გუნდის მასწავლებლებთან ერთად, შემოდგომაზე საფრანგეთში გაემგზავრება. 2005 წლიდან დღემდე, 40-ზე მეტმა ფრანგულენოვანმა მოსწავლემ შეძლო საფრანგეთისა და ფრანგი თანატოლების ცხოვრების გაცნობა.

ფესტივალის ორგანიზატორები სთავაზობენ მონაწილე სკოლებს, სპექტაკლების მიზანსცენების მოსამზადებლად, საკუთარი სურვილის მიხედვით ისარგებლონ თბილისში მოღვაწე პროფესიონალი რეჟისორის ნინო ფხაკაძის დახმარებით. სკოლებისათვის თეატრალური რეპერტუარის შერჩევა თავისუფალია.

ფესტივალის ღონისძიებებში საგარეჯოს თეატრალური დასიც მიიღებს მონაწილეობას. სპეციალურად ფესტივალისათვის ორგანიზატორებმა შექმნეს საიტი, რომლის მისამართია www.festival-francophonie-kakhetie.com

ფრანგული სიმღერისა და თეატრის ფესტივალი 28 მაისს საგარეჯოში დასრულდება.ღონისძიებებს, კახეთის სამხარეო ადმინისტრაციის მხარდაჭერით, ასოციაცია "იონი-კახეთი" ახორციელებს.

პარტნიორული თანამშრომლობის კონვენცია კახეთის რეგიონსა და იონის დეპარტამენტს შორის 2000 წელს გაფორმდა.