ყირგიზეთის ამშენის სომხები ყარაბაღის ტერიტორიაზე გადასახლდებიან. ამ ინფორმაციას აზერბაიჯანული საიტები ავრცელებენ. მათი თქმით, სომხებმა აზერბაიჯანის ოკუპირებულ ტერიტორიაზე გადასახლება გადაწყვიტეს, რაც ყირგიზეთის სომხების გაერთიანების ხელმძღვანელმა რუსლან ყარაბაჯაკოვმაც დაადასტურა.
რუსლან ყარაბაჯაკოვი სომხეთში უკვე გაემგზავრა, რათა ყირგიზეთში მცხოვრები სომხების გადასახლების პროგრამა მოამზადოს.
სომხეთიდან იგი ყარაბაღში გაემართება, სადაც დახლოებით 200 სომეხი ოჯახისთვის განსახლების ტერიტორიას შეარჩევს.
"ჩვენი ადგილი აქ, სომხეთშია. ჩვენი ბედი ისე წარიმართა, რომ უკვე 250 წელიწადია, ერთი ადგილიდან მეორეზე გადავდიოდით_აჭარა, შუა აზია. ბედს ვერ გაექცევი. როგორც იქნა, საბოლოოდ გადავწყვიტეთ, თავშესაფარი ჩვენს მშობლიურ მიწაზევე ვიპოვოთ. ჩემი სურვილია, ჩემმა ხალხმა კომპაქტურად იცხოვროს და არა_დაფანტულად",_აღნიშნა რუსლან ყარაბაჯაკოვმა.
