საპარლამენტო უმრავლესობის შეფასებით, ბურჯანაძე-ოქრუაშვილს პირადი წყენა ამოძრავებთ, რამაც ორივე სრულად დააბრმავა. ამის შესახებ უმრავლესობის ერთ-ერთმა ლიდერმა დავით დარჩიაშვილმა "სახალხო კრების" და "ქართული პარტიის" მიერ 21 მაისს აქციების ჩატარების კომენტირებისა აღნიშნა.
"მართლა ცოდოა ეს ქვეყანა. რა თქმა უნდა, ხელისუფლებას შეცდომებიც ჰქონია და უამრავი რამ არის გასაკეთებელი, უმუშევრობა იქნება ეს თუ დემოკრატიული ინსტიტუტების შემდგომი განმტკიცებისთვის დამატებითი ძალისხმევა. ამაზე საუბარი საჭიროა და მიმდინარეობს კიდეც, როგორც საერთაშორისო დონეზე, ასევე ქვეყნის შიგნით", - აღნიშნა დარჩიაშვილმა.
თუმცა დემოკრატიასა და თავისუფლებასთან რა საერთო აქვს აღნიშნული პოლიტიკური ძალების ლიდერებს დარჩიაშვილის გაუგებარია.
"ამ ფიგურებს რა საერთო აქვთ ამ ყველაფერთან გაუგებარია. საზოგადოებამ უნდა გააცნობიეროს, რომ აქ არაფერია გარდა პირადი წყენისა რაციონალური არაფერი არ არის. აქ არ არის ადეკვატური ხედვა ქვეყნის განვითარების პრობლემების გადაჭრის, აქ არის ერთადერთი პირადი წყენა და ამ წყენისგან სრული დაბრმავება", - განაცხადა უმრავლესობის წევრმა.
შეგახსენებთ, რომ 21 მაისს "სახალხო კრება" თბილისა და ბათუმში აქციების გამართვას გეგმავს, ასევე ვრცელდება ინფორმაცია, რომ მათ პარალელურად ლოკომოტივის სტადიონზე "ქართული პარტიის" აქციაც გაიმართება.
აღსანიშნავია, რომ "ქართული პარტიის" ლიდერი ირაკლი ოქურუაშვილი 21 მაისს გამოსული ხალხის სახლში გაშვებას არ აპირებს და ხელისუფლების შესაცვლელად ყველა მეთოდის გამოყენებას გეგმავს.
