სანიაღვრე ქსელების გაუმართაობასთან დაკავშირებით საკრებულოს ფრაქცია "ქრისტიან-დემოკრატების" მდივნის ზაზა გაბუნიას შენიშვნებს მერიის პრესსპიკერი ბაჩო დოლიძე გამოეხმაურა.
მისი თქმით, ამჟამად დედაქალაქის ცალკეულ ტერიტორიებზე_გლდანში, სამგორსა და დიღომში საფუძვლიანად იცვლება სანიაღვრე ქსელები.
"თუ "ქრისტიან-დემოკრატებს" კონკრეტულ ქუჩებთან დაკავშირებით სანიაღვრე ქსელის გაუმართაობის შესახებ ინფორმაცია აქვთ, უმჯობესია, კონკრეტული მასალები მოგვაწოდონ და ერთობლივად მივხედავთ ამ საქმეს", _აღნიშნა ბაჩო დოლიძემ.
ამასთან, დოლიძე აცხადებს, რომ გუდაურის რეაბილიტაციის გამო დედაქალაქის კონკრეტულ პროექტებს არცერთი თეთრი არ აკლდება.
შეგახსენებთ, დღე საკრებულოს ფრაქცია "ქრისტიან-დემოკრატების" მდივანმა ზაზა გაბუნიამ სანიაღვრე ქსელების გაუმართაობასთან დაკავშირებით ბრიფინგი გამართა. მისი თქმით, მაშინ, როცა 2011 წლის ბიუჯეტის მიხედვით, კეთილმოწყობითი სამუშაოწები მერიის მიერ პრიორიტეტად იქნა გამოცხადებული, რეალურად, სანიაღვრე ქსელების პროგრამა ფულის გარეშე დარჩა, რაც მიუთითებს, რომ ქალაქის მერი და მისი გუნდი ორმაგი სტანდარტით მოქმედებს.
