საგარეო საქმეთა სამინისტრო საბერძნეთში დაკავებულ ქართველებთან დაკავშირებით მხოლოდ არაოფიციალურ ინფორმაციას ფლობს. ამის შესახებ ჟურნალისტებს უწყების საკონსულო დეპარტამენტის დირექტორის მოადგილე ინგა კიკვაძემ განუცხადა.
მისი განმარტებით, დაკავებულები საბერძნეთში ე.წ. ლტოლვილის საბუთით სარგებლობდნენ.
"მათ საბერძნეთს თავშესაფარი სთხოვეს და ლტოლვილის სტატუსით სარგებლობდნე. ეს არის ინფორმაცია, რომელიც არაოფიციალურად გვაქვს. სხვა ცნობაზე ხელი არ მიგვიწვდება, რადგან დაკავებულები ინფორმაციის გაცემაზე უარს აცხადებენ", - განმარტა კიკვაძემ.
შეგახსენებთ, რომ საქართველოს 4 მოქალაქე დიდი ოდენობით ძვირფასეულობის ქურდობისთვის სალონიკში დააკავეს.
