"ქრისტიან-დემოკრატების" ინფორმაციით, ევროპის საბჭოს რეზოლუციის პირველად ვარიანტში საქართველოში პატიმრების მდგომარეობა მწვავედაა შეფასებული.
ამის შესახებ დღეს, პრესკონფერენციაზე ფრაქცია "ქრისტიან-დემოკრატების" თავმჯდომარემ გიორგი ახვლედიანმა განაცხადა.
მისი თქმით, ევროპის საბჭოში დღეს დაიწყო რეზოლუციის განხილვა, რომელიც საქართველოს მიერ აღებული ვალდებულებების მონიტორინგის შედეგებს შეეხება.
"რეზოლუციის პირველად ვარიანტში ძალზე მწვავედაა შეფასებული საქართველოში პატიმრების მდგომარეობა, სასამართლოს სისტემის დამოუკიდებლობის არარსებობა და დევნილთა მიმართ უსამართლო მოპყრობის ფაქტები", - აღნიშნა ოპოზიციონერმა დეპუტატმა.
ამასთან, ახვლედიანმა მხარი დაუჭირა "ეროვნულ-დემოკრატიული პარტიის" წევრის, დეპუტატ გურამ ჩახვაძის ინიციატივას პარლამენტში პრემიერ-მინისტრის დაბარების შესახებ.
შეგახსენებთ, რომ ჩახვაძემ დღეს საკანონმდებლო ორგანოში პრემიერ-მინისტრ ნიკა გილაურის მოსვლა მოითხოვა, რათა მთავრობამ ადამიანის უფლებების დაცვის კუთხით არსებულ პრობლემების მოგვარებაზე დეპუტატებს მათი ხედვა გააცნოს.
აღსანიშნავია, რომ საქართველოში ადამიანის უფლებების დარღვევის საკითხი მწვავედ არ მხოლოდ სახალხო დამცველის, ასევე აშშ-ს სახელმწიფო დეპარტამენტის ანგარიშშიც დგას.
