აშშ-ის, უკრაინისა და რუსეთის დელეგაციებს შორის მოლაპარაკებების მომდევნო რაუნდი, შესაძლოა, რამდენიმე კვირაში, აბუ-დაბიში ან შვეიცარიაში გაიმართოს. ამის შესახებ Sky News აშშ-ის მთავრობის წარმომადგენლებზე დაყრდნობით იუწყება.
ამერიკელი ოფიციალური პირის განცხადებით, შეხვედრა, სავარაუდოდ, „რამდენიმე კვირაში“ შედგება.
მისივე თქმით, მოლაპარაკებების მიზანი საბოლოოდ მაღალი დონის შეხვედრისთვის მომზადებაა, თუმცა მანამდე მხარეებს მნიშვნელოვანი სამუშაო აქვთ გასაწევი.
შეგახსენებთ, რომ 23 ოქტომბერს უკრაინის პრეზიდენტი ვოლოდიმირ ზელენსკი აშშ-ის პრეზიდენტ დონალდ ტრამპის სპეციალურ წარმომადგენლებს ესაუბრა. ზელენსკის განცხადებით, რუსეთის მიერ უკრაინის წინააღმდეგ დაწყებული ომის დასრულების საკითხზე დელეგაციების სამმხრივი შეხვედრა ნოემბრის პირველ ნახევარში იგეგმება.
მანამდე, თეთრ სახლში განაცხადეს, რომ აშშ-ის პირველმა ლედიმ, მელანია ტრამპმა, რუსეთის მიერ ოკუპირებულ ქალაქ ოლეშკიში ცეცხლის შეწყვეტის შეთანხმების მიღწევაში მნიშვნელოვანი როლი შეასრულა. ქალაქში ამჟამად ჰუმანიტარული კრიზისია.
