იორდანიის ქალაქ კარაკში, დაკრძალვის ცერემონიის დროს შეიარაღებულმა პირებმა ბერძნულ მართლმადიდებლურ ეკლესიაში ცეცხლი გახსნეს. დაიღუპა შვიდი ადამიანი, კიდევ 40 კი დაშავდა.
ამის შესახებ Associated Press-ი იორდანიის ხელისუფლებაზე დაყრდნობით წერს.
თავდასხმა დედაქალაქ ამანიდან დაახლოებით 180 კილომეტრში მოხდა.
სახელმწიფო ტელევიზიის მიერ გავრცელებულ კადრებში ჩანს, სულ მცირე, სამი შეიარაღებული პირი, რომლებიც ეკლესიის მახლობლად ცეცხლს ხსნიან.
ხელისუფლების განცხადებით, თავდასხმა დაუდგენელმა პირებმა განახორციელეს. ჯერჯერობით უცნობია, დააკავეს თუ არა ისინი ან გაანეიტრალეს თუ არა თავდამსხმელები.
