საფრანგეთის ქალაქ ორლეანში მარინ ლე პენის პარტია „ეროვნული გაერთიანების“ ყრილობის წინააღმდეგ საპროტესტო აქცია მიმდინარეობს. ამის შესახებ France 24 წერს.
მარინ ლე პენი საპრეზიდენტო არჩევნების ყველაზე პოპულარულ კანდიდატად მიიჩნევა.
პროტესტი ცხოვრების გაძვირების წინააღმდეგ გამართული ახალი, საერთოეროვნული დემონსტრაციების დღეს გაიმართა. ერთი კვირის წინ მსგავსი აქციები ქუჩის შეტაკებებში გადაიზარდა.
ორლეანში გამართული მსვლელობა მიმართული იყო როგორც ლე პენის, ისე ცენტრისტი პრეზიდენტის, ემანუელ მაკრონის წინააღმდეგ.
„მაკრონო, გადადექი! ლე პენი - გისოსებს მიღმა!“ - სკანდირებენ აქციის მონაწილეები. აქციის მონაწილეებს ეჭირათ პლაკატები წარწერებით: „ახალგაზრდები „ეროვნულ გაერთიანებას“ ეუბნებიან - წაეთრიეთ!“ და „ჩვენ ფაშისტებზე უფრო ცხელები ვართ“.
პოლიციის მონაცემებით, აქციაში 11 000 ადამიანი მონაწილეობს.
