ოსმა სეპარატისტებმა ე.წ. სახელმწიფო საზღვრის უკანონოდ გადაკვეთის ბრალდებით საქართველოს ორი მოქალაქე დააკავეს. ინფორმაციას ამის შესახებ ე.წ. სამხრეთ ოსეთის უშიშროების სამსახურის პრესსამსახური ავრცელებს.
"საზღვარის დამრღვევთაგან ერთი ახალგორის რაიონის სოფელ წინაგარაში, ხოლო მეორე ზნაურის რაიონის სოფელ ზიულეთში დააკავეს. ორივე მათგანი საქართველოს მოქალაქეა", - იუწყებიან სეპარატისტები.
მათივე ინფორმაციით, საქართველოს მოქალაქეები ე.წ. სამხრეთ ოსეთის სასაზღვრო სამსახურში გადაიყვანეს. "ამჟამად მიმდინარეობს ღონისძიებები დაავებულების ვინაობის დასადგენად", _ იუწყება ოსური მხარე.
