მოძრაობა "სამართლიანი საქართველოსთვის" გურჯაანის რაიონული ორგანიზაციის წევრი ლევან ხაზიური აცხადებს, რომ სოფელ ვეჯინში, ყოფილი პანსიონატის შენობაში, აფხაზეთიდან დევნილი 12 ოჯახი გაუსაძლის პირობებში ცხოვრობს.
როგორც ხაზიურმა დღეს გამართულ პრესკონფერენციაზე განაცხადა, ხელისუფლება დევნილების შესახლებას სოფელ ბაკურციხის ყოფილი პროფსასწავლებლის შენობაში აპირებს, სადაც უმმძიმესი პირობებია: მიუხედავად იმისა, რომ სასწრაფოდ შეალამაზეს, იქ ცხოვრება მაინც შეუძლებელია _ კედლები ირღვევა, ჭერიდან წყალი ჩამოდის.
"პანსიონში შესახლებული დევნილები 16 წელია, ყოვლად გაუსაძლის პირობებში ცხოვრობენ.
პანსიონატის შენობა სოფლისგან მოშორებით, ტყეში მდებარეობს და ამდენად, დევნილები საზოგადოებისგან მოწყვეტილები არიან. ამასთან, თავად შენობა დანგრეული და გაპარტახებულია. დევნილებისთვის ერთადერთ საარსებო წყაროს 22ლარიანი დახმარება წარმოადგენს. ხელისუფლებამ ეს არ აკმარა დევნილებს და ახლა მათ შესახლებას სოფელ ბაკურციხის ყოფილი პროფსასწავლებლის შენობაში აპირებს, სადაც უმმძიმესი პირობებია. მიუხედავად იმისა, რომ შენობასასწრაფოდ შეალამაზეს, იქ ცხოვრება მაინც შეუძლებელია _ კედლები ირღვევა, ჭერიდან წყალი ჩამოდის", _ აცხადებს ლევან ხაზიური.
ხაზიურის თქმით, დევნილთა ოჯახები სოფელ ბაკურციხეში, ახალ "საცხოვრებელში" გადასვლაზე კატეგორიულ უარს ამბობებენ. მათი თქმით, ისინი მხოლოდ ასეთ შენობაში გადასვლას დათანხმდებიან, რომელშიც ნორმალური საყოფაცხოვრებო პირობები იქნება.
მოძრაობა "სამართლიანი საქართველოსთვის" მოუწოდებს ხელისუფლებას, დევნილებზე ფორმალური ზრუნვის ნაცვლად, მათთვის ნორმალური საცხოვრებელი პირობების შექმნა უზრუნველყოს.
