ზოგადი განათლების დონე საქართველოში, განსაკუთრებით ახალგაზრდობაში კატასტროფულად კლებულობს. ამის შესახებ "ქრისტიან-დემოკრატების" ლიდერმა გიორგი თარგამაძემ დღეს, განათლების სფეროში მომუშავე ექსპერტებთან შეხვედრის შემდეგ განაცხადა.
"განათლების და მეცნიერების დარგი ჩვენს საზოგადოებაში ერთ-ერთი ყველაზე პრობლემატურია. თუ ხელისუფლება ამბობს, რომ განათლება ძვირი ჯდება, ჩვენ ყველანი ვხედავთ და დავინახვათ მომავალში რა დაგვიჯდება გაუნათლებლობა. ზოგადიო განათლების დონე ქვეყანაში, განსაკუთრებით ახალგაზრდობაში კატასტროფულად კლებულობს და ეს არის შედეგი საგანმანათლებო პოლიტიკისა, რომელიც გამოირჩევა თავის არათანმიმდევრულობით", - აღნიშნა თარგამაძემ.
თარგამაძე ასევე პარალელი გაავლო კახა ლომაიას და დიმიტრი შაშკინის მინისტრობის პერიოდთან და აღნიშნა, რომ სკოლებთან მიმართებაში ჯერ ლომაია ატარებს მკვეთრად დეცენტარლიზებულ პოლიტიკას, ახლა კი მეორე უკიდურესობაში გადავარდნენ განათლების სისტემის სრული მონოპოლიზირება ხდება.
ამასთან, დეპუტატის შეფასებით, განსაკუთრებით დიდი პრობლემებია მეცნიერების განვითარების თავალსაზრისით, მაშინ როდესაც ენათმეცნიერბის ინსტიტუტში მეცნიერმუშაკის ხელფასი 220 ლარს არ აღემატება იქ რთულია საუბარი სახელმწიფო სოციალური პოლიტიკის არსებობაზე.
"ჩვენ გვჭირდება მკაფიოდ ჩამოყალიბებული პოლიტიკა. განათლების მინისტრის მიმართ დებატებზე მწვავე ტონი გვექნება და ამ ტონს ჩვენ გვკარნახობს ის რეალობა, რომელშიც ვცხოვრობთ. ყოველდღიურად მასობრივი ინფორმაციის საშუალებებით ვეცნობით კვლევების შედეგებს, რომლის თანახმადაც ქართველები ერთ-ერთი ყველაზე გაუნათლებელი ერი ვხდებით", - აღნიშნა თარგამაძემ.
