უახლოეს მომავალში აშშ-სა და კავკასიაში მიწისძვრები მოხდება. ეს განცხადება რუსეთის მეცნიერებათა აკადემიის შორეული აღმოსავლეთის განყოფილების წყნარი ოკეანის ინსტიტუტის რეგიონალური გეოლოგიისა და ტექნიფიზიკის ლაბორატორიის გამგემ ვალერი აბრამოვმა დღეს გააკეთა.
"მოსალოდნელია სეისმური აქტივობა სამხრეთ ამერიკაში. აშშ-ს ცენტრალურ ნაწილში არის სამკუთხედი "კალუგ"-ი, რომელსაც შტატების კანზასისა და ლუისვილის სახელწოდებების მიხედვით ჰქვია სახელი. სამკუთხედით სამხრეთ ნაწილში უკვე იყო ტრაგედია - იგი იძირებოდა. ახლა კი იქ დიდი სიმძლავრის სეისმური მოვლენებია მოსალოდნელი. მე არ დავასახელებ თარიღს იმისათვის რათა პანიკა არ გამოვიწვიო. ასევე უახლოეს მომავალში სესმურად საშიში კავკასიაც გახდება", _ განაცხადა აბრამოვმა.
მისივე თქმით, მათ ვისაც უფრო დეტალურად აინტერესებს ინფორმაცია მოსალოდნელი მიწისძვრის შესახებ, მათ შორის მათი თარიღის გაგება შესაძლოა ოფიციალური მიმართვით მიმართონ რუსეთის მეცნიერებათა აკადემიის შორეული აღმოსავლეთის განყოფილებას.
ამასთან ერთად, აბრამოვმა არ დააკონკრეტა თუ რამდენად ძლიერი იქნება მიწისძვრა კავკასიაში, თუმცა აღნიშნა, რომ იგი შესაძლოა ნაკლებდამანგრეველი როდი იყოს, ვიდრე სპიტაკის მიწისძვრა, რომლის დროსაც 25 ათასი ადამიანი დაიღუპა.
"ეს არა მხოლოდ ჩემი თვალსაზრისია, ეს კვლევების შედეგია, რომლებიც შორეული აღმოსავლეთის მეცნიერებმა ჩაატარეს. ამ მეთოდიკით განსაზღვრულია ციკლები", _ აცხადებს ვალერი აბრამოვი.
მისივე თქმით, თავის კოლეგებთან ერთად, იგი მიწისძვრის პროგნოზირებას ახდენს სპეციალური ხელსაწყოს მეშვეობით.
"არსებობს აზრი, რომ მიწისძვრის პროგნოზირება არ შეიძლება, თუმცა ეს ასე არ მიმაჩნია. სეისმოლოგიის ისტორიაში არის ჩინეთში, ირანში, ინდოეთში, ავღანეთში, თურქეთში და სხვა ადგილეში მიწისძვრის წარმატებული პროგნოზის გაკეთების მაგალითები", - აცხადებს აბრამოვი.
