საქართველოს 7-10 წლის განმავლობაში უმაღლესი და პირველი კატეგორიის პედაგოგი არ ეყოლება თუ პედაგოგების გამოცდების სქემა არ შეიცვალა. ამის შესახებ დღეს, პარლამენტში "ქრისტიან-დემოკრატებთან" შეხვედრაზე პედაგოგთა და მეცნიერთა თავისუფალი პროფკავშირის წარმომადგენელმა ვიქტორია ბალავაძემ განაცხადა.
მისი თქმით, პედაგოგების გადამზადების სისტემა მოუწესრიგებელია და საქართველოში 70 ათასი მასწავლებლიდან 40 ათასმა, რომ მოინდომოს აღნიშნული კურსის გავლა წარმოუდგენელია, როგორ შესძლებს განათლების სამინისტრო 20 გადამზადებული ტრენერით პედაგოგების მომზადებას.
ამასთან, იგი საჯარო სკოლებში მანდატურების ინსტიტუტის შემოღებასაც შეეხო და აღნიშნა, რომ სასწავლო პროცესში ჩართვასთან დაკავშირებით მათთის უფლების მინიჭების შემდეგ სკოლაში სტრესული გარემო კიდევ უფრო გაიზარდა და ბერი პედაგოგი სასწავლო წლის დასრულების შემდეგ მასწავლებლობაზე უარის თქმას აპირებს.
ასევე ბალავაძის თქმით, რეგიონების სკოლებში პროფკავშირების წარმომადგენლებს მანდატურები პედაგოგებთან შეხვედრას უკრძალავენ და აცხადებენ, რომ სკოლაში შეხვედრის დასაგეგმად ნებართვა სამინისტროდან უნდა მიიღონ.
