სტატისტიკის ეროვნული სამსახურის ახალი შენობის რეაბილიტაციისათვის 1,5 მლნ. ლარზე მეტი დაიხარჯება. მთავრობა "საქსტატის" ახალი შენობის რეაბილიტაციისთვის 1 მლნ. 636 ათას 645 ლარის გამოყოფას მთავრობის სარეზერვო ფონდიდან გეგმავს. აღნიშნული საკითხის განხილვა კი მთავრობის უახლოეს სხდომაზე იგეგმება.
აღნიშნული თანხიდან, 13 ათას 234 ლარი საინჟინრო-ტექნიკურ ექსპერტიზაზე, ხოლო 10 000 ლარი საავტორო და არქიტეტქტურული
ზედამხედველობის ხარჯების დასაფინანსებლად დაიხარჯება.
"საქსტატი" ახალ შენობაში სავარაუდოდ მაისის ბოლომდე გადავა და უწყება ვაკე-საბურთალოს გამგეობის შენობაში (კოსტავას 68ა) დაიდებს ბინას.
სამსახურისთვის ადგილმდებარეობის შეცვლის საკითხი მას შემდეგ დადგა დღის წესრიგში, რაც ეკონომიკის სამინისტრომ პეკინის N4-ში მდებარე "საქსტატის" შენობა აუქციონზე გასაყიდად გამიტანა. აუქციონზე შენობა შპს „4 პეკინმა" 4,2 მილიონ დოლარად იყიდა.
როგორც აუქციონის დასრულების შემდეგ „4 პეკინის" გენერალურმა დირექტორმა რამაზ გაჩიჩილაძემ ჟურნალისტებს განუცხადა, მისი კომპანია შენობაში ბიზნეს-ცენტრის გახსნას გეგმავს, ასევე განიხილება შენობის სავაჭრო ცენტრად გადაკეთების საკითხიც, სადაც სავაჭრო ობიექტებთან ერთად კვების და გასართობი დაწესებულებები განთავსდება.
სტატისტიკის ეროვნული სამსახურის საოფისე შენობის საწყისი გასაყიდი ფასი 4,15 მლნ აშშ დოლარი იყო. სამინისტრომ შენობა გასაყიდად მეორედ გაიტანა.