PMCG-ს (პოლიტიკისა და მართვის საკონსულტაციო ჯგუფი) კონსულტანტები სურსათის უვნებლობის მართვის შვედეთის სახელმწიფო სააგენტოს სპეციალურ პროგრამაში მიიღებენ მონაწილეობას და პარქტიკასაც გაივლიან.
PMCG-ის ინფორმაციით, სურსათის უვნებლობის სისტემების (HACCP) და ხარისხის მართვის სტანდარტის (ISO) საკითხებში ეკატერინე ბურკაძე და ბექა ბიაშვილი 1 თვით გაემგზავრნენ შვედეთში კვალიფიკაციის ამაღლების მიზნით. პროგრამის ავტორი და ორგანიზატორია შვედეთის სახელმწიფო ორგანო სურსათის უვნებლობისა და ხარისხის მართვის სფეროში SWEDAC (www.swedac.se/en/), რომელიც ახორციელებს აკრედიტაციას , რეგულირებას და ზედამხედველობას.
PMCG-ს კონსულტანტები პროგრამის ფარგლებში კვალიფიკაციას აიმაღლებენ შემდეგ საკითხებში: ახალ კანონები და მოთხოვნები საკვების უსაფრთხოებასთან, საერთაშორისო ვაჭრობასა და სასოფლო-სამეურნეო პროდუქტებთან დაკავშირებით; ევროკავშირის საკვების უსაფრთხოების სისტემები; HACCP სისტემის სიახლეები (სურსათის უვნებლობის საერთაშორისო სტანდარტიზაცია კვების სფეროში); საკვების ეტიკეტირება;
აკრედიტაცია, მეთოდოლოგია და პროცედურება.
შეგახსენებთ, რომ PMCG (პოლიტიკის და მართვის კონსალტინგ ჯგუფი) არის დამოუკიდებელი მენეჯმენტ საკონსულტაციო კომპანია, რომელიც 2007 წელსდაფუძნდა. კომპანიის მიერ უკვე განხორციელებულია 50-ზე მეტი წარმატებული პროექტი, როგორც ბიზნეს, ასევე საჯარო სექტორის კონსალტინგის მიმართულებით.
