უკრაინაში ლუგანსკის მხარეში ფქვილის არასაკმარისი რაოდენობის გამო პურის ქარხნებმა მუშაობა შეწყვიტეს. ქალაქ სვერლოვსკის მოსახლეობაში პანიკაა, მაღაზიების თაროებზე პური არ არის. ასეთივე სიტუაცია შეიქმნა სხვა რამდენიმე ქალაქშიც. ქალაქ ლუგანსკში შეტანილი ფქვილის მცირე მარაგმა მოსახლეობა ვერ უზრუნველყო.
არსებული სიტუაცია მომგებიანი მცირე მეწარმეებისთვის აღმოჩნდა, რომლებიც ძირითადად ძვირადღირებულ ფქვილზე მუშაობენ. უკრაინული მედია წერს, რომ თუ დღის ბოლომდე ვითარება არ გაუმჯობესდა, ხვალისათვის მოსახლეობა საპროტესტო აქციების გამართვას გეგმავს.
უკრაინული მედია აღნიშნავს იმასაც, რომ რამდენიმე კვირის წინ უკრაინამ საქართველოს 15 ათასი ტონა ხორბალი მიაწოდა, რათა ქვეყანაში ფქვილის დეფიციტი არ შექმნილიყო.