თურქეთის აღმოსავლეთით, მდებარე ქალაქ ვანიდან უახლოეს მომავალში ერევენის მიმართულებით ავიამოსვლა დაიწყება, აღნიშნული გადაწყვეტილების შესახებ თურქულმა ავიაკომპანია Van Way Airlines-მა უკვე ღიად განაცხადა.
ფრენები, ცნობილი ბიზნესმენის არსლან ბაირამის მიერ იჯარით აღებული თვითმფრინავებით განხორციელდება.
ბაირამი აცხადებს, რომ ფრენები უახლოეს მომავლში დაიწყება, რითაც სომხეთისა და ვანის მეწარმეებს შორის სავაჭრო ურთიერთობები გაუმჯობესდება.
ბიზნესმენის თქმით, ვანი-ერევანის რეისები კულტურულ და ეკონომიკური ტურიზმის განვითარებას შეუწყობს ხელს.
ბაირამი აცხადებს, რომ ჩაკეტილი საზღვრის გამო თურქეთის აღმოსავლეთ ქალაქებსა და სომხეთს შორის სავაჭრო ურთიერთობები საქართველოს გავლით ხორციელდება.
არსლან ბაირამი ტურისტულ სააგენტოს Bestvan Tur-სა და სასტუმრო Bayram Otel-ის მფლობელია.
აღსანიშნავია, რომ თურქული ავიაკომპანია AtlastJet და სომხური ავიაკომპანა "არმავია" სტამბული-ერევანის მიმართულებით კვირაში ორ რეისს ასრულებენ, ხოლო ტურისტული სეზონისთვის ანტალიის მიმართულებით ჩარტერული რეისებიც ინიშნება.
