მთავრობა გარემოს დაცვის სფეროში მომუშავე ექსპერტებით უკმაყოფილოა.
როგორც "ჯი-ეიჩ-ენს" მთავრობის საპარლამენტო მდივანმა გია ხუროშვილმა განუცხადა, გარემოს დაცვის სამინისტროს რეორგანიზაციის საკითხთან დაკავშირებით განხილვების დროს ექსპერტების ნაწილის განცხადებები მხოლოდ ხმაურიან განცხადებად დარჩა.
"მიუხედავად ჩემს მიერ გაჟღერებული არაერთი თხოვნისა, რომ ექსპერტებს საკითხთან დაკავშირებით თავის მოსაზრებები წერილობით წარმოადგინათ ეს არ მოხდა და მათი მხრიდან გარემოს დაცვის სამინისტროს რეორგანიზაციის საკითხზე გამოთქმული მოსაზრებები მხოლოდ ხმაურიან განცხადებებად დარჩა", - აღნიშნა ხუროშვილმა.
მისივე თქმით, დანარჩენი ექსპერტების და პარლამენტარების მხრიდან წარმოდგენილი შენიშვნების ერთი ნაწილი მთავრობამ მთლიანდა გაიზიარა, ხოლო მეორე ნაწილი შეძლებისდაგვარად.
შეგახსენებთ, რომ გარემოს დაცვის სამინისტროს რეორგანიზაციის შედეგად ბუნებრივი რესურსები მთლიანად ენერგეტიკის სამინისტროს შემადგენლობაში გადადის, შესაბამისად აღნიშნულ უწყებას სახელწოდება ეცვლება და მას ენერგეტიკისა და ბუნებრივი რესურსების სამინისტრო დაერქმევა.
