საქართველო სამხრეთ ოსეთისათვის ნარკოტიკების მიწოდების თვალსაზრისით დიდ პრობლემას წარმოადგენდა. განცხადება ამის შესახებ სეპარატისტული სამხრეთ ოსეთის ე.წ. საგარეო საქმეთა მინისტრის მოადგილემ ალან ფლიევმა გააკეთა.
"საქართველო ჩვენთვის, ჩვენს ტერიტორიაზე ნარკოტიკული ნივთირებების შემოტანის გამო დიდ პრობლემას წარმოადგენდა და ეს მანამდე იყო ასე, ვიდრე სახელმწიფო საზღვრის მთელი პერიმეტრის გაკონტროლება რუსეთისა და სამხრეთ ოსეთის ძალოვანი სტრუქტურების წარმომადგენლებმა არ დაიწყეს 2008 წლის აგვისტოს შემდეგ.
2008 წლამდე სამხრეთ ოსეთის შს სამინისტრომ რამდენიმე ოპერაცია ჩაატარა ნარკოტრაფიკის აღკვეთისათვისდა იმ პირთა გამოვლენისათვის რომლებიც ნარკოტიკული საშუალებებით ვაჭრობაში იყვნენ ჩართულნი. ამ ოპერაციების ჩატარებისას სწორედ საქართველოს მოქალაქეები გამოვლინდნენ, რომლებსაც ნარკოტიკი სამხრეთ ოსეთის ტერიტორიაზე შემოჰქონდათ", _ აცხადებს ფლიევი და დასძენს, რომ შერეული საკონტროლო კომისიის ფარგლებში არსებული ურთიერთშეთანხმების ჩარჩოებში ოსური მხარე აწვდიდა ინფორმაციას საქართველოს პოლიციას ე.წ. სამხრეთ ოსეთის სამართალდამცავი ორგანოების მიერ დაგეგმილი ოპერაციების შესახებ.
"და ქართველი ნარკომოვაჭრეები გასაკვირად იყვნენ ინფორმირებულნი დაგეგმილი ოპერაციების ადგილზე, დროსა და მეთოდების შესახებ, რაც გვაფიქრებინებს, რომ საქართველოს ძალოვანი სტრუქტურები მათთან შეკრულნი იყვნენ", _ აცხადებს ფლიევი.
მისივე თქმით, ამჟამად ამ სფეროსთან დაკავშირებული მდგომარეობა სეპარატისტულ სამხრეთ ოსეთში გაცილებით უფრო გაუმჯობესებულია, ვიდრე იმ პერიოდში იყო.
