სოჭში ილჰამ ალიევმა, სერჟ სარგსინმა და დიმიტრი მედვედევმა შეთანხმება მხოლოდ ტყვეთა გაცვლის პროცესის დასრულებაზე და შეხვედრების გაგრძელებაზე შეძლეს.
აზერბაიჯანის, სომხეთისა და რუსეთის პრეზიდენტებმა მთიანი ყარაბაღის კონფლიქტის დარეგულირებასთან დაკავშირებით ერთობლივი განცხადება მიიღეს. ინფორმაციას ამის შესახებ რუსული მედია ავრცელებს.
მათივე ინფორმაციით, დოკუმენტში აღნიშნულია, რომ "ლიდერებმა მათ მიერ გამართული გასული შეხვედრის დროს (2010 წლის 27 ოქტომბერი. ასტრახანი ) მიღებული სამმხრივი განცხადების პრაქტიკული რეალიზების საკითხები განიხილეს. კერძოდ, პრეზიდენტებმა მოილაპარაკეს უმოკლეს ვადაში სამხედრო ტყვეების გაცვლის საკითხი დაასრულონ", - იუწყება რუსული მედია.
ამას გარდა, დოკუმენტში აღნიშნულია, რომ არსებობს "მისწრაფება ყველა სადავო საკითხის მშვიდობიანი საშუალებებებით გადაჭრისა და შესაძლო ინციდენტების გამოძიებისა, რომლებიც შესაძლოა ცეცხლის შეყვეტის ხაზის გასწვრივ განხორციელდეს. ყოველივე კი ეუთოს მინსკის ჯგუფის დახმარებით, მოქმედი თავმჯდომარისა და სპეციალური წარმომადგენლის მხარდაჭერით უნდა განხორციელდეს", - იუწყება რუსული მედია და აღნიშნავს, რომ "პრეზიდენტებმა აღნიშნეს თავიანთი რეგულარული კონტაქტების დიდი მნიშვნელობა და მთიანი ყარაბაღის საკითხთან დაკავშირებით შეხვედრების გაგრძელებაზე შეთანხმდნენ", - ნათქვამია ერთობლივ განცხადებაში.
შეგახსენებთ, რომ სოჭში აღნიშნული მიმდინარე შეხვედრა რიგით მერვე სამმხრივი შეხვედრაა, რომელიც აზერბაიჯანის, სომხეთისა და რუსეთის პრეზიდენტებს შორის იმართება.
