მიხეილ სააკაშვილის განცხადებები იმის შესახებ, რომ "ომი დასრულებული არ არის" ფაქტობრივად დეზავუირებას ახდენენ მისი იმ დაპირებისა, რომლის დროსაც მან განაცხადა, რომ აფხაზეთისა და სამხრეთ ოსეთის მიმართ ძალას არ გამოიყენებს. განაცხადა ჟენევის მოლაპარაკებებზე რუსული დელეგაციის ხელმძღვანელმა, რუსეთის საგარეო საქმეთა მინისტრის მოადგილემ გრიგორი კარასინმა და აღნიშნა, რომ საქართველოს პრეზიდენტის მიერ გაკეთებულ განცხადებებს მოლაპარაკებათა მსვლელობისას დიდი ყურადღება დაეთმო.
"განცხადებები, რომ "ომი არ დასრულებულა" და მოწოდებები "მომდევნო წელს სოხუმში შევხვდებით" ჩვენ 2008 წლის აგვისტომდეც გაგვიგონია და ეს განცხადებები, რომელიც ახლაც გვესმის საერთაშორისო უსაფრთხოებისათვის ძალია ცუდად დასრულდა", - განაცხადა კარასინმა და აღნიშნა, რომ მოლაპარაკებებზე ქართველების მხრიდან რუსეთის მისამართით გარდა ზოგადი აგრესიული ბრალდებებისა არაფერი გაუგონია.
შეგახსენებთ, რომ ჟენევის საერთაშორისო მოლაპარაკებათა მე-15 რაუნდი უშედეგოდ დასრულდა. რუსეთის ფედერაცია კვლავ უარს ამბობს ხელი მოაწეროს საქართველოსთან თავდაუსხმელობის ხელშეკრულებას და დაუშვას საერთაშორისო დამკვირვებლები ოკუპირებული აფხაზეთისა და ე.წ. სამხერეთი ოსეთის ტერიტორიაზე.
მოლაპარაკების მე-15 რაუნდი ჟენევაში გუშინ, 4 მარტს გაიმართა. მასში თბილისის, მოსკოვის, სოხუმის, ცხინვალის, ასევე ვაშინგტონის, ევროკავშირის და გაეროს წარმომადგენლები მონაწილეობდნე. შეხვედრაზე მხარეები უსაფრთხოების დამატებით მექნიზმებს - თავდაუსხმელობის შესახებ ხელშეკრულების გაფორმების, დევნილების დაბრუნებისა და ოკუპირებულ ტერიტორიაზე საერთაშორისო მეთვაყურეთა დაშვების საკითხები განიხილეს.
ჟენევის საერთაშორისო მოლაპარაკებათა მე-16 რაუნდი მიმდინარე წლის 6-7 ივნისს გაიმართება.
