ქართველებს კარგად ესმით, რომ რუსეთი არასოდეს დამუქრებია და არც დაემუქრება საქართველოს. ეს პოლიტიკური თამაშია, პოლიტიკური განცხადებებებია, რომლებსაც ისინი ყველა კუთხეში ყრიან. აცხადებს ჟენევის საერთაშორისო მოლაპარაკებებზე რუსული დელეგაციის ხელმძღვანელი, რუსეთის საგარეო საქმეთა მინისტრის მოადგილე გრიგორი კარასინი, რუსეთის ფედერაციის მიერ საქართველოსათვის თავდაუსხმელობის ხელშეკრულების გაფორმებაზე უარის თქმის კომენტირებისას.
"საქართველოს ამ განცხადებებს ფასი არ აქვს. საქართველოს ხელისუფლებას კარგად ესმის, რომ 2008 წლის აგვისტოში მან დანაშაულებრივი შეცდომა დაუშვეს და ისინი ახლა უბრალოდ ყველანაირად ცდილობენ ამ სიტუაციის შემოტრიალებას. თუმცა, სამწუხაროდ, სიტუაციის უკან დაბრუნება უკვე შეუძლებელია", - განაცხადა გრიგორი კარასინმა.
შეგახსენებთ, რომ ჟენევის საერთაშორისო მოლაპარაკებათა მე-15 რაუნდი უშედეგოდ დასრულდა. როგორც მოლაპარაკების დასრულების შემდეგ საქართველოს საგარეო საქმეთა მინისტრის მოადგილე სერგი კაპანაძემ განაცხადა, რუსეთის ფედერაცია კვლავ უარს ამბობს ხელი მოაწეროს საქართველოსთან თავდაუსხმელობის ხელშეკრულებას და დაუშვას საერთაშორისო დამკვირვებლები ოკუპირებული აფხაზეთისა და ე.წ. სამხერეთი ოსეთის ტერიტორიაზე.
მოლაპარაკების მე-15 რაუნდი ჟენევაში გუშინ, 4 მარტს გაიმართა. მასში თბილისის, მოსკოვის, სოხუმის, ცხინვალის, ასევე ვაშინგტონის, ევროკავშირის და გაეროს წარმომადგენლები მონაწილეობდნე. შეხვედრაზე მხარეები უსაფრთხოების დამატებით მექნიზმებს - თავდაუსხმელობის შესახებ ხელშეკრულების გაფორმების, დევნილების დაბრუნებისა და ოკუპირებულ ტერიტორიაზე საერთაშორისო მეთვაყურეთა დაშვების საკითხები განიხილეს.
ჟენევის საერთაშორისო მოლაპარაკებათა მე-16 რაუნდი მიმდინარე წლის 6-7 ივნისს გაიმართება.
