შოტლანდიის სამეფო ლეგიონის მესამე ბატალიონი ლიბიაში გასაგზავნად გაძლიერებულ მზადყოფნაშია. ამის შესახებ "დეილი ტელეგრაფი" საკუთარ წყაროზე დაყრდნობით იტყობინება.
დიდი ბრიტანეთის თავდაცვის სამინისტროს მონაცემებით, საუბარია არა სამხედრო, არამედ ჰუმანიტარულ ოპერაციაზე. თუმცა უცნობია, რა ვითარებაში მოხდება ლიბიაში მათი გადასროლა. ბატალიონს, რომელიც 600 ჯარისკაცს ითვლის, ავღანეთის ომში მონაწილეობის გამოცდილება აქვს.
უფრო ადრე ცნობილი გახდა, რომ ბრიტანელი ჯარისკაცები უკვე განთავსდნენ ლიბიაში. ბენგაზის პორტში უკვე იმყოფება დიდი ბრიტანეთის სამეფო ფლოტის გემი, ასევე, სპეცნაზი SAS, რომლებიც ბრიტანელი მოქალაქეების უსაფრთხოებას იცავენ.
სამოქალაქო ომით შეპყრობილი ლიბიის სანაპიროებთან, ბრიტანეთთან ერთად, კიდევ რამდენიმე სახელმწიფომ გაგზავნა თავისი გემები. მათ შორის, გერმანიამ და აშშ-მ. შეიარაღებული ინტერვენციის გეგმის შესახებ არ კონკრეტდება. თუმცა ცნობილია, რომ დიდი ბრიტანეთის პრემიერ-მინისტრმა დევიდ კემერონმა ქვეყნის საჰაერო ბლოკადისკენ და მოუწოდა ნატოს. მანვე ამბოხებულთა დახმარების მოწოდება გააჟღერა.
შეგახსენებთ, ლიბიაში მუამარ კადაფის მომხრეთა და მოწინააღმდეგეთა შორის შეტაკება კვლავაც გრძელდება.
