თბილისში 2007 წლის 1-ელ იანვრამდე კანონდარღვევით შეძენილი სასოფლო-სამეურნეო მიწების ლეგალიზაცია იწყება. აღნიშნულთან დაკავშირებით ცვლილება „ქონების ლეგალიზაციის" შესახებ კანონში შედის.
კანონპროექტის ერთ-ერთი ავტორის ლაშა თორდიას განმარტებით, პირებს, რომლებსაც 2007 წლის 1 იანვარამდე კანონდარღვევით შედგენილ დოკუმენტებით (მიწის რეფორმის კომისიის მიერ გაცემული მიღება-ჩაბარების აქტი, მებაღეობის ამხანაგობის მიერ გაცემული წიგნაკი, ამონაწერი საჯარო რეესტრიდან) აქვთ შეძენილი, შეუძლიათ სასოფლო-სამეურნეო მიწების ლეგალიზაცია მოახდინონ.
ლეგალიზაციის განმახორცილებელ ორგანოს, საჯარო რეესტრის ეროვნული სააგენტო წარმოადგენს, თუმცა პირს კანონდარღვევით შეძენელ სასოფლო-სამეურნეო მიწის ერთ კვადრატულ მეტრში 15 ლარის გადახდა მოუწევთ.
თორდიას განმარტებით, პირები ვინც ლეგალიზაციას მოახდენენ მათზე სისხლისსამართლებრივი დევნა აღარ დაიწყება, ხოლო თუ დაწყებულია ასეთ შემთხვევაში დევნა შეწყდება.
მისივე თქმით, აღნიშნული კანონო პილოტური წესით პირველ ეტაპზე დედაქლაქში 2011 წლის 1 აპრილიდან ამოქმედება, ხოლო 2013 წლის 1 იანვრამდე იუსტიციის სამინისტროს საჯარო რეესტრის ეროვნულ სააგენტოსთან ერთად დაევალება კანონის ამოქმედება ქვეყნის სხვა რეგიონებშიც უზრუნველყოს.
