თბილისში სამშენებლო ან სარემონტო სამუშაობის წარმოების დროს თვითნებური გადათხრების შემთხვევაში ფიზიკური პირი 500 ლარით და იურიდიული პირი 2000 ლარით დაჯარიმდება.
აღნიშნულთან დაკავშირებით ცვლილება შედის „ადმინისტრაციულ სამართლდარღვევათა კოდექსში".
კანონპროექტის ერთ-ერთი ავტორის კახაბერ ანჯაფარიძის განმარტებით, ბოლო დროს დედაქალაქის ქუჩებში თვითნებური გაფათხების ფაქტები გახშირდა, რის გამოც კანონში აღნიშნული ცვლილების შეტანა აუცილებელი გახდა.
მისივე თქმით, „ადმინისტრაციულ სამართლდარღვევათა კოდექსი" თვითნებური გადათხრების შემთხვევაში ჯარიმებს ისედაც ითვალისწინებს, თუმცა ცვლილების შესვლის შემდეგ ადამინისტრირება გამკაცრდება და შესაბამისად ჯარიმებიც გაიზრდება.
კანონპროექტის თანახმად, თბილისის ტერიტორიაზე - ეზოების, სკვერების, ქუჩების და მოედნების თვითნებული გადათხრა, მათი სამშენებლო მასალებით ჩახერგვა, გადათხრის ადგილების პირვენდელ მდგომარეობაში მოყვანის გარეშე მიტოვება ან/და უფლებამოსილი ორგნოს მიერ სამუშაობის წარმობის დადგენილი პირობების დარღვევა ან/და შეუსრულებლობა გამოიწვევს ფიზიკური პირის დაჯარიმებას 500 ლარის ოდენობით, ხოლო იურიდიული პირის დაჯარეიმებას 2000 ლარის ოდენობით.
იმ შემთხვევაში თუ დაკისრებულ ჯარიმას ვადის გასვლის შემდეგ არ მოხდება მის გადახდა, პირს საურავი დაეკისრება, რომელიც ჯარიმის თანხასთან ერთად 30 დღის განმავლობაში უნდა დაფაროს.
ჯარიმის დაკისრებაზე უფლებამოსილია თბილისის თვითმართველობის ორგანო.
