ბათუმსა და უკრაინის ქალაქ ტერნოპოლს შორის ავიარეისები დაინიშნება.
დაგეგმილია ტერნოპოლში საქართველოს საკონსულოს გახსნაც.
ამ საკითხებზე დღეს უკრაინული დელეგაციის წევრები აჭარის მთავრობის თავმჯდომარესთან, ლევან ვარშალომიძესთან მსჯელობდნენ.
ქალაქ ტერნოპოლის მერი და საკრებულოს წარმომადგენლები ლევან ვარშალომიძესთან შეხვედრისას ბათუმში ტურიზმის განვითარებით დაინტერესდა და ერთობლივი პროექტების შემუშავების ინიციატივა გამოთქვეს.
ტერნოპოლის დელეგაცია ბათუმს 6 მარტს დატოვებს. მანამდე კი სტუმრები ქალაქში მიმდინარე პროექტებს გაეცნობიან.
