პარლამენტის თავმჯდომარე დავით ბაქრაძე არასაპარლამენტო ოპოზიციას, რევოლუციების მოწყობის ნაცვლად, ერთობლივი მუშაობისკენ მოუწოდებს.
როგორც ბაქრაძემ დღეს ჟურნალისტებთან საუბრისას აღნიშნა პოლიტკური აქტივობები საქართველოში ყოველთვის იყო და მომავალშიც იქნება, რადგან ეს არის თავისუფალი საზოგადოება და ყველას შეუძლია საკუთარი პროტესტის გამოხატვა.
"ღმერთმა დაგვიფაროს ისეთი პოლიტიკური ცხოვრებისგან, სადაც პოლიტიკური აქტივობები არ იქნება. რაც შეეხება რევოლუციის მოწყობას, ვფიქრობ ხალხმა 2003 წელს თავისი ნება მკაფიოდ გამოხატა და საქართველოში დაიწყო იმ მტკივნეული, მაგრამ ძალიან აუცილებელი რეფორმების გატარება, რომელზეც დღეს უკვე სხვა ქვეყნებშიც საუბრობენ, მათ შორის, ახლო აღმოსავლეთშიც. კარგი იქნება თუ ყველა ჩვენგანი მეტ აქცენტს გავაკეთებთ, არა ქვეყნის გარეთა მაგალითების ძიებაში, არამედ ქვეყნს შიგნით კონკრეტული პრობლემების გადაწყვეტაზე", - აღნიშნა ბაქრაძემ.
მისივე თქმით, ხელისუფლება მზად არის ქვეყანაში არსებულ პრობლემების მოგვარების გზებთან დაკავშირებით ითანამშრომლოს ყველასთან მათ შორის არასაპარლამენტო ოპოზიციასთან.
