მოსკოვში დააკავეს ქალი, რომელსაც გექსოგენზე დამზადებული ასაფეთქებელი ნივთიერება აღმოჩნდა. ინფორმაციას ამის შესახებ რუსული მედია ავრცელებს.
მათი ინფორმაციით, ქალი მოსკოვის მაცხოვრებელია და იგი წარსულში ნასამართლევია.
"დაკავებულია 30 წლის დედაქალაქის მაცხოვრებელი ქალი, რომელსაც 150 გრამი გექსოგენი აღმოაჩნდა", - იუწყება რუსული მედია და აღნიშნავს, ფაქტზე აღძრულია სისხლის სამართლის საქმე.
სამართალდაცავები ასაფეთქებელი ნივთიერების შესყიდვის წყაროს დადგენას ცდილობენ.
