ბათუმის გორაზე მდებარე სასტუმრო "თანამგზავრის" 100 %-ის მფლობელი კომპანია "დელტა ჯორჯია" გახდა.
"ჯი-ეიჩ-ენის" ინფორმაციით, "დელტა ჯორჯია" სასტუმროში გარკვეულ წლის ფლობდა და კომპანიამ ქართველი მეპატრონეებისგან სასტუმროს დარჩენილი ნაწილიც გამოისყიდა. გარიგების დეტალებს არც "დელტა ჯორჯიაში" ახმაურებენ და არც მისი ყოფილი ქართველი მფლობელები საუბრობენ.
"დელტა ჯორჯია" ქართული წარმოშობის თურქის რეფაიდინ შაჰინის მიერ დაარსებული კომპანიია, სადაც ადასტურებენ, რომ მათ სასტუმროს დარჩენილი ნაწილი შეიძინეს და ამ ეტაპზე სასტუმროს 100%-ის მფლობელები არიან.
"თანამგზავრის" ყოფილი თანამფლობელი მურად თურმანიძე "ჯი-ეიჩ-ენთან" საუბარში სასტუმროს გასხვისების ფაქტს ბოლომდე არ ადასტურებს.
"ამ ეტაპზე ვერაფერს გეტყვით, რადგან ჯერ კიდევ ვმუშაობთ. შესაძლოა გარიგებაში გარკვეული ცვლილებები შევიდეს", _ აცხადებს სააგენტოსთან საუბარში მურად თურმანიძე.
მისი თქმით, შესაძლოა, მან ან სასტუმროს გაყიდვა გადაიფიქროს, ან ცვლილება თავად საფასურმა განიცადოს.
ცნობისთბის. "თანამგზავრი" 1995 წელს აშენდა და სასტუმროში სულ 54 ნომერია, საიდანაც 8 ლუქსი, 5 ბიზნეს ლუქსი, 10 დელუქსი და 39 სტანდარტული ნომერა და ოთახების ღირებულება 70 ლარიდან 300 ლარამდე მერყეობს. სასტუმროს კომპლექსში შედის ასევე რესტორნებისა და კაფე-ბარების ქსელი (ღია და დახურული ტიპის რესტორნები): რესტორნები: "ანტიკა", "ფიროსმანი", "ვერანდა", "ხინკლის სახლი" და ბარები: "ბარი-აუზი", "სიგარა ბარი", "პანორამა