ეგვიპტე საქართველოს განხორციელებული რეფორმების გამოცდილებას გაიზიარებს.
"ძალიან საინტერესო აღმოჩნდა ის გარემოება, რომ ეგვიპტის მთავრობის რეფორმების დღის წესრიგი ფაქტიურად 100 %-ით ემთხვევა იმ დღის წესრიგს, რომელიც საქართველოს ხელისუფლებას 2003 წლის "ვარდების რევოლუციის" შემდეგ ჰქონდა", - განაცხადა ეგვიპტეში ვიზიტით მყოფმა საქართველოს საგარეო საქმეთა მინისტრმა გრიგოლ ვაშაძემ.
რაც შეეხება უშუალოდ ვიზიტის დეტალებს, საქართველოს საგარეო უწყების ხელმძღვანელი არაბულ სახელმწიფოთა ლიგის გენერალურ მდივანს შეხვდა, რომელთანაც როგორც პოლიტიკურ, ისე ეკონომიკურ ჭრილში, ქართლ-ეგვიპტური ურთიერთოები განიხილა.
"დიდი მნიშვნელობა აქვს რომ გვქონდეს ზუსტი ინფორმაცია, რა ხდება არაბულ ქვეყნებში.რა მიმართულების გეზის აღებას აპირებს პოლიტიკური ელიტა, რომ ჩვენც, ჩვენი პოლიტიკა არაბულ სამყაროსთან მიმართებაში იმ ფუნდამენტზე ავაგოთ", - განმარტა ვაშაძემ.
გრიგოლ ვაშაძე ეგვიპტეში ვიზიტს დღესაც განაგრძობს, რის ფარგლებშიც მას ეგვიპტელი კოლეგა მიიღებს. საქართველოს საგარეო უწყების ხელმძღვანელი დღესვე კაიროდან სლოვაკეთს ეწვევა.
