აზერბაიჯანისთვის ხიზილალის ექსპორტი ეკონომიკურად მომგებიანი არ არის. ამის შესახებ აზერბაიჯანის ეკოლოგიის სამინისტროს წარმომადგენელმა ტარიელ მამედლიმ განაცხადა. მისი თქმით, ევროპასა და აზერბაიჯანში ხიზილალაზე ფასები გათანაბრდა.
"2-3 წლის წინ ევროპაში ფასები უფრო მეტი იყო ვიდრე ჩვენთან. ამჟამად ფასები გათანაბრდა. რაც შეეხება შიდა მოხმარებას, მისი დაკმაყოფილება ხელოვნური გამრავლებით არის შესაძლებელი", - განაცხადა მამედლიმ.
უნდა აღინიშნოს, რომ გუშინ ზუთხის რეწვის კვოტის განსაზღვრის ვადა ამოიწურა. მიმდინარე წელს არც ერთმა კომპანიამ ზუთხის რეწვაზე განაცხადი არ წარადგინა. შესაბამისად, აზერბაიჯანულ კომპანიებს კანონის საფუძველზე ხიზილალის ექსპორტი ეკრძალებათ. სწორედ ამიტომ აზერბაიჯანიდან ხიზილალის ექსპორტი მნიშვნელოვნად შემცირდება, რაც ევროპასა და აზერბაიჯანში ხიზილალის ფასების გათანაბრებით არის განპირობებული.
