პროკრედიტ ბანკმა ახალი სათავო ოფისის მშენებლობის მნიშვნელოვან ეტაპი დაასრულა. ბანკის მენეჯმენტის გადაწყვეიტლებით, ბანკის თანამშრომლებისთვის და მედიის წარმომადგენლებისთვის მშენებლობის ადგილზე ე. წ. "რიხტ ფესტი" გაიმართა (შენობის აღმართვის ზეიმი).
სტუმრებს საშუალება მიეცათ პროკრედიტ ბანკის ახალ სათავო ოფისის მშენებლობის მნიშვნელოვანი ეტაპის დასრულებისას გერმანული ზეიმის უშუალო მონაწილეები გამხდარიყვნენ. შენობის ყველაზე მაღალ ადგილზე მათ ფერადი ლენტით გაწყობილი ყვავილების გვირგვინი ე. წ. რიხტ კრანცი დახვდათ. ძველი გერმანული ტრადიციის თანახმად, რიხტ ფესტს შენობის კარკასისა და სახურავის კონსტრუქციის დასრულების შემდეგ ზეიმობენ, რითაც მადლობას უხდიან პროექტში მონაწილე პირებს.
პროკრედიტ ბანკის ახალი სათავო ოფისი 12 ათას კვ მეტრ ფართობზე იქნება თავისი პარკინგითა და მიწისქვეშა ავტოსადგომით, რომელიც საბოლოო სახეს 2012 წლისთვის მიიღებს. ახალი სათავო ოფისი სამ ფუნქციას შეითავსებს: სათავო ოფისს, სატრენინგო ცენტრსა და ბანკის ახალი ცენტრალურ ფილიალს. პროკრედიტ ბანკის ინფორმაციით, დიდი სივრცის მქონე 7-სართულიანი შენობა ატრიუმითა და მინის სახურავით საიმედო გარემოს შექმნის და ბანკის ფუნქციის მაქსიმალური ეფექტურობის განხორციელბას უზრუნველყოფს.
"მოხარული ვართ რომ დღეს რიხტ ფესტს ჩვენს თანამშრომლებთან მშენებლებთან და პარტნიორებთან ერთად აღვნიშნავთ. გვინდა მადლობა გადავუხადოთ მშენებლობის პროქტში მონაწილე ყველა ადამიანს. ახალი შენობა ჩვენი კლიენტებისა და თანამშრომლების მზარდ მოთხოვნილებებს დააკმაყოფილებს. ეს წარმატებული გრძელვადიანი გრძელვადიანი ინვესტიცია ნათლად აჩვენებს ჩვენს სურვილს, კიდევ უფრო გავაღრმაოთ ქართულ საზოგადოებასთან ურთიერთობა. პროკრედიტ ბანკი განაგრძობს მთავარი ამოცანის შესერულებას - იყოს მცირე და საშუალო ბიზნესის პარტნიორი ბანკი და სრული კომპლექსური მომსახურება შესთავაზოს კლიენტებს", - განაცხადა პროკრედიტ ბანკის დირეტქორმა საშა ტერნესმა.
პროკრედიტბანკის ახალი სათავო ოფისის მშენებლობისთვის მშენებლობის მთლიანი ღირებულება წინასწარი შეფასებით 20 მილიონ დოლარამდეა.