"ვინ არის შარანგია? სააკაშვილის პირადი მოლარე, რომელსაც მთელი საქართველოს ბიზნესი ხელში ჩაუგდეს", _ აცხადებს "ქართული პარტიის" თავმჯდომარე სოზარ სუბარი.
მისი თქმით, ხელისუფლება ყველაფრის წილშია და არც სამარშრუტო ბიზნესს ახარებს.
"ამას წინათ პარლამენტში გამოსულმა მიხეილ სააკაშვილმა შოუ დაგვიდგა და კორუმპირებულთა დასახელება ითხოვა. დეპუტატმა თავი დახარა და ვერ გაბედა, ეთქვა, სად არის კორუფცია. სინამდვილეში, ეს არის კორუფცია. სამარშრუტო ტაქსი რა არის, ეს ბიზნესიც კი არ გაახარეს", _ აღნიშნა სუბარმა.
ყოფილი ომბუდსმენი მოითხოვს, პასუხი აგოს ყველა ადამიანმა, ვისაც ხელისუფლებამ მთელი საქართველოს ბიზნესი ხელში ჩაუგდო. მათ შორის, რუსუდან კერვალიშვილმა, ვახტანგ რჩეულიშვილმა და სხვებმა.
"ეს ქვეყანა არ არის ერთი ოჯახის საძოვარი. ამ ქვეყანას რამდენიმე ადამიანს ჯიბეში ვერ გადავცემთ. ვერც ეგვიპტის ხალხი გვაჯობებს და ვერც ტუნისის", _ აცხადებს სუბარი.
