აშშ-ის პრეზიდენტმა დონალდ ტრამპმა განაცხადა, რომ თეთრი სახლის აპარატის უფროსი სიუზან უაილსი თანამდებობას ტოვებს. მის ადგილს კი აპარატის უფროსის მოადგილე სტივენ მილერი დაიკავებს.
ამის შესახებ ტრამპმა სოციალურ ქსელ Truth Social-ზე დაწერა.
ტრამპის განცხადებით, უაილსმა „შესანიშნავი სამუშაო შეასრულა“ და მისი პოლიტიკური გუნდის შემადგენლობაში გააგრძელებს საქმიანობას.
„მინდა, მადლობა გადავუხადო მას აპარატის უფროსის თანამდებობაზე გაწეული მუშაობისთვის - მან თავისი მოვალეობები შესანიშნავად შეასრულა!“ - განაცხადა ტრამპმა.
მილერი ახალ თანამდებობაზე მუშაობას ორშაბათიდან დაიწყებს.
მანამდე მედიაში გავრცელდა ინფორმაცია, რომ აშშ-ის სახელმწიფო მდივანი მარკო რუბიო ტრამპის ადმინისტრაციიდან წასვლის შესაძლებლობას განიხილავდა, რათა 2028 წლის საპრეზიდენტო კამპანიისთვის მომზადება დაეწყო.
რუბიომ ეს ინფორმაცია უარყო.
