12 სექტემბრის ღამეს რუსეთის ძალებმა სარაკეტო და დრონებით იერიში მიიტანეს ოდესაზე, კრივი-რიჰზე, დნიპროსა და ზაპოროჟიეზე. ინფორმაციას უკრაინული მედია ავრცელებს.
ცნობილია დაღუპულებისა და დაშავებულების შესახებ. დაზიანებულია საცხოვრებელი სახლები და სამრეწველო საწარმოები.
დილით რუსეთის ძალებმა ოდესას დაარტყეს. მტრის თავდასხმის შედეგად დაზიანდა მრავალსართულიანი საცხოვრებელი სახლი, დაშავდა 16 ადამიანი. დაშავებულთა შორის ერთი ჩვილია.
12 სექტემბრის ღამეს რუსეთის ძალებმა კრივი-რიჰსაც შეუტიეს და ბალისტიკური რაკეტები რამდენიმე მიმართულებიდან გაუშვეს.
სამრეწველო საწარმოზე განხორციელებული იერიშის შედეგად ერთი ადამიანი დაიღუპა, ორი კი დაშავდა.
ღამით განხორციელებული იერიშის დროს დარტყმის ქვეშ დნიპროც მოექცა. ერთ-ერთ სამრეწველო საწარმოში ხანძარი გაჩნდა. წინასწარი ინფორმაციით, დაშავებულები არ არიან, - განაცხადა ჰანჯამ.
ღამით რუსეთის საოკუპაციო ძალებმა ზაპოროჟიეს დამრტყმელი დრონებით შეუტიეს. ერთ-ერთი დრონი კერძო დასახლებას მოხვდა. თავდასხმის შედეგად ხანძრები გაჩნდა, ხოლო საცხოვრებელი სახლი მთლიანად განადგურდა.
