რუმინეთში 11 სექტემბერს, დღის განმავლობაში, რამდენიმე ადგილას დრონების ნამსხვრევები აღმოაჩინეს, მათ შორის ისეთი დრონების, რომლებიც საბრძოლო ქობინს შეიცავდა.
რუმინული მედიის ცნობით, დრონების ფრაგმენტები კონსტანცის რაიონში, უკრაინის მოსაზღვრე ტულჩის ოლქსა და შავ ზღვაში აღმოაჩინეს.
კერძოდ, ტულჩის ოლქში, სანაპიროზე, უპილოტო საფრენი აპარატების ორი ფრაგმენტი იპოვეს, კიდევ ორი კი შავი ზღვიდან ამოიღეს.
ერთ-ერთ შემთხვევაში სპეციალისტებმა დრონის ნამსხვრევებში საბრძოლო ქობინი აღმოაჩინეს. ფრაგმენტი უსაფრთხოდ გააუვნებელყვეს.
დრონის სავარაუდო ფრაგმენტების შესახებ სანაპიროსთან მდებარე წყლებში ინფორმაცია კომერციული გემიდან შევიდა. ნამსხვრევები მოგვიანებით სასაზღვრო პოლიციამ იპოვა. მათში ასაფეთქებელი ნივთიერება არ აღმოჩნდა.
