კანადის პრემიერ-მინისტრმა, მარკ კარნიმ განაცხადა, რომ ქვეყანა 350 მილიონ კანადურ დოლარს (დაახლოებით 253 მილიონ აშშ დოლარს) გამოყოფს უკრაინის საჰაერო თავდაცვისთვის საჭირო ჩამჭრელი რაკეტების შესაძენად.
კარნიმ ამის შესახებ კალგარიში, უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე ისაუბრა.
„350 მილიონი დოლარის ღირებულების აღჭურვილობის ეს პაკეტი უკრაინის მოსახლეობის, მისი ინფრასტრუქტურისა და საჰაერო სივრცის დაცვას შეუწყობს ხელს“, - განაცხადა კანადის პრემიერ-მინისტრმა.
მისივე თქმით, რაკეტსაწინააღმდეგო რაკეტების მიწოდება აშშ-ის Jump Start-ის მექანიზმის ფარგლებში განხორციელდება.
კარნიმ ასევე განაცხადა, რომ კანადა უახლოესი ორი წლის განმავლობაში დრონების წარმოების გაზრდას გეგმავს და წარმოების მოცულობა მილიონობით ერთეულს მიაღწევს. ქვეყნის ხელისუფლება ვალდებულებას იღებს, ამ დრონების ერთი მესამედი უკრაინის თავდაცვის ძალებს გადასცეს.
გარდა ამისა, კანადის მთავრობის მეთაურის განცხადებით, კანადა უკრაინასთან უპილოტო სისტემების წარმოების სფეროში თანამშრომლობას გააძლიერებს.
