10 სექტემბრის ღამეს დრონებმა რუსეთის ქალაქ მახაჩყალაში პორტზე იერიში მიიტანეს. ადგილობრივი მცხოვრებლების ინფორმაციით, ქალაქში აფეთქებების ხმა ისმოდა.
თვითმხილველები ასევე წერდნენ, რომ საჰაერო განგაში არ გამოცხადებულა და რუსეთის საჰაერო თავდაცვის სისტემები მუშაობდნენ.
რუსული Telegram-არხების ინფორმაციით, თავდასხმის შესაძლო სამიზნე მახაჩყალის საზღვაო სავაჭრო პორტი იყო და, სავარაუდოდ, დარტყმა სწორედ პორტის ტერიტორიაზე განხორციელდა.
რუსული წყაროების ინფორმაციით, პორტი მთელი წლის განმავლობაში ფუნქციონირებს და როგორც თხევად, ისე მშრალ ტვირთებს ემსახურება.
1-ელ სექტემბერს რუსეთში აცხადებდნენ, რომ პორტში მარცვლეულის გადამუშავების მხრივ ისტორიული რეკორდი დაფიქსირდა - რვა თვის განმავლობაში 2,9 მილიონ ტონაზე მეტი მარცვლეულის გადატვირთვა განხორციელდა. თხევადი ტვირთების გადატვირთვის მოცულობამ კი დაახლოებით 1,83 მილიონი ტონა შეადგინა.
