უკრაინის პრეზიდენტი ვოლოდიმირ ზელენსკი 6 სექტემბერს კიევში აშშ-ის პრეზიდენტის, დონალდ ტრამპის, სპეციალურ წარმომადგენლებს - სტივ უიტკოფსა და ჯარედ კუშნერს ხვდება. ეს უიტკოფისა და კუშნერის პირველი ვიზიტია უკრაინაში.
ზელენსკიმ ამერიკელი წარმომადგენლები კიევის ცენტრში, სოფიის მოედანზე, მიიღო.
კიევში შეხვედრის დაწყების შესახებ ზელენსკიმ განაცხადა: „მოლაპარაკებები დაიწყო“.
უიტკოფი და კუშნერი უკრაინის დედაქალაქში მატარებლით ჩავიდნენ და მათ უკრაინის მაღალი რანგის ოფიციალური პირები, მათ შორის ეროვნული უსაფრთხოების საბჭოს მდივანი კირილო ბუდანოვი და საგარეო დაზვერვის სამსახურის ხელმძღვანელი რუსტემ უმეროვი დახვდნენ.
ვიზიტს წინ უძღოდა 5 სექტემბერს მოსკოვში რუსეთის პრეზიდენტ ვლადიმირ პუტინთან უიტკოფისა და კუშნერის სამ საათზე მეტი ხნის შეხვედრა. კრემლის განცხადებით, მოლაპარაკებები „შინაარსიანი“ და „კონსტრუქციული“ იყო, თუმცა კონკრეტული შეთანხმების ან მნიშვნელოვანი გარღვევის შესახებ ინფორმაცია არ გავრცელებულა.
თეთრი სახლის ინფორმაციით, მოსკოვში მხარეებმა შემდეგი ნაბიჯების კონკრეტული გეგმები განიხილეს, რომელთა შესახებაც დეტალები უახლოეს კვირებში გახდება ცნობილი.
